2012年2月17日星期五

蔡楓華的電影路

蔡楓華的事業起死回生, 繼2011年的復出個人演唱會, 2012年再舉辦演唱會. 回顧蔡楓華的演藝事業, 由他在1979年贏得業餘歌唱比賽開始, 之後出唱片, 加入香港電台做DJ, 再加盟麗的和無線拍劇和主持, 還在受歡迎時兼拍了幾部電影, 作歌、影、視、播四線發展. 今次主要重溫蔡楓華一隻手已能數完的電影作品.


早期有「白馬王子」之稱的蔡楓華, 受聽眾、歌迷愛戴, 瘋摩少女們. 在電影上, 他未必是情聖, 但就有幸與少男偶像翁靜晶和鍾楚紅做過螢幕情侶.

在1982年, 蔡楓華接拍了<薄荷咖啡>和<拖手仔>兩部青春戀愛電影. 在冼杞然執導的<薄荷咖啡>裏, 阿華(蔡楓華)與阿敏(鍾楚紅)是中學時開始拍拖的情侶. 中學畢業後, 阿華繼續攻讀大學, 而阿敏則跟隨阿華憎恨的姐姐(黃淑儀)進軍廣告界. 踏入社會的阿敏思想轉趨成熟, 在工作漸能獨當一面, 成為女強人, 以事業為上; 阿華則仍然幼嫩, 視阿敏工作和應酬上認識的都是要把她搶走的男人. 兩人走的道路不同, 距離越來越遠, 即使阿敏曾懷孕, 她卻選擇墮胎而暫不結婚生育. 最後, 二人的關係終結, 阿華與別的女人結婚. 阿華在大婚之日與工作中的阿敏碰上, 阿敏的鎖匙扣仍是以往阿華送的小禮物...





由梁家樹導演的<拖手仔>, 蔡楓華的角色康卓明, 與現實中同是電台DJ, 戀上了中學生谷可盈(翁靜晶), 此戀情卻不被女方家長(于洋、葉德嫻)看好. 他倆的戀情如一般puppy love, 有猜疑有妒忌, 還有卓明經常因工作不能陪伴可盈, 兩人克服不少困難關係才開始穏定下來. 可惜好景不常, 卓明要隨家人移民讀書, 與可盈面臨分開. 可盈在卓明離港前夕患交通意外入院, 雖要罕有的血型救援. 卓明錯過班機, 在電台廣播緊急呼籲也正前往機場的可盈父母和其他相同血型人士幫助, 終能令可盈保住生命. 卓明看見可盈甦醒, 便重新踏上升學之路...






蟄伏兩年, 蔡楓華在1984年再有電影推出, 不過就只是擔任第二男主角的<初哥>, 與鍾保羅和關芝琳合作. 我沒看過此片, 從報章廣告得知戲種仍屬青春愛情題材.


蔡楓華在八十年代的最後電影演出甚為破格, 為嘉禾出品、黎大煒執導的<鬼馬朱唇>. 蔡楓華飾演的Simon, 再不是之前幾部的思想未熟、沒有自我主見的青年, 而是自命風流, 對所有美女都躍躍欲試的音樂家. Simon到南韓表演, 順道探望好友大口(王青), 卻誤打誤撞與他妹妹阿淑戀上, 又發生關係, 卻向大口自吹自擂有美女送上門, 被阿淑全聽入耳. 最後大口努力幫他們, 有情人終成眷屬. 這部電影嘉禾落重本到南韓取景拍攝, 製成品卻甚爛, 對白憨居, 自以為好笑, 卻流於無聊. 蔡楓華的角色老土、好色、懶叻懶型、嬉皮笑臉, 實在不知所謂.








自1985年蔡楓華在<勁歌金曲>當主持, 得悉自己的歌曲落選, 一時感觸說出「一剎那光輝不代表永恒」的金句後, 事業一沉不起, 蔡楓華的行為也被人放大大造文章, 後來被傳媒封為「四大癲王」之一, 與洪朝豐、藍潔瑛和陳寶蓮齊名. 其中一件事, 便是在香港電台主持深夜節目, 整個鐘頭都播出自己的歌曲, 當晚剛巧也收聽該節目而印象深刻, 事後他解釋為喝醉後迷迷糊糊, 不自覺播錯歌曲. 種種事件, 令蔡楓華事業插水, 久久再沒有新電影作品, 直至1997年游達志執導的<兩個只能活一個>.

<兩個只能活一個>裏, 身型脹爆的蔡楓華客串飾演李若彤的前男友, 與金城武在酒吧裏有對手戲. 看以下的頭兩張劇照, 對比第三張金城武的造型, 蔡楓華是否仍有型男的風範呢?




雖然我並不特別欣賞蔡楓華的演藝才華, 認為他的歌唱和演技只是一般, 可能在口才方面稍優, 但主持節目又會說錯話播錯歌. 他畢竟當年曾是個受歡迎的藝人, 如今只能希望他行為正常, 慢慢重拾信心, 贏回失去了的支持, 在演藝圈裏創出自己的道路.

17 則留言:

  1. 我有睇呀,覺得他用方法演技去演繹,好迫真!

    回覆刪除
    回覆
    1. 卡臣, 我諗你唔用方法演技都好戲過佢!

      刪除
  2. 初哥n年前亞記播過 佢係入面算係負責搞笑方面的
    志於佢本人既行為 我自己覺得 性格決定一切 總覺得佢係自大同憤世 太睇唔開所有野 仲好記得當年佢係有線節目中既瘋狂行為 真係...

    回覆刪除
  3. "有線節目中既瘋狂行為" ... 呀nic可唔可以講多DD, 我唔知呢件事...

    回覆刪除
  4. 話說當年有線搵左林敏聰做節目 有一集請左佢上黎 點知黎到又唔肯出鏡 係後台ee哦哦 勞煩到聰哥上前請佢出鏡都唔肯 但呢part就俾有線直播晒出街 最記得佢講左句"tvb係大機購..xxxxx"

    回覆刪除
  5. 蔡生的經歷教懂我地什麼叫珍惜.JOHN

    回覆刪除
    回覆
    1. John, 希望佢都教曉自己甚麼是珍惜. 聽說他與最幫他的盧敏儀鬧翻了...

      刪除
  6. Re: nic 呢個我記得,個節目應該係請咗蔡楓華同洪朝豐嚟個雙"瘋"會,蔡唔肯上鏡,洪朝豐响後台仲懶係大義凜然咁鬧佢應該面對觀眾,結果變成鬧劇一場。

    回覆刪除
  7. nic, Gov, Apollo, 你地講呢單嘢我一點印象都無. 唔知係咩年份的事呢?

    nic, 《初哥》裏蔡楓華負責搞笑? 佢喺《鬼馬朱唇》搞笑, 真係唔係好得.

    回覆刪除
    回覆
    1. 個節目名叫做60分鐘孖煙通,主持係林敏驄同鄺偉明。

      刪除
  8. 我覺得條友好似short short地!

    回覆刪除
    回覆
    1. 佛爺, 唔知佢真short假short, 可能佢係高人都未定

      刪除
    2. 高人? 唔通廢柴同盟係真?
      http://www.youtube.com/watch?v=im4xikrq3Uk

      刪除
  9. 原來你都有寫佢, 我岩岩用blogspot寫第一篇, 但唔係寫陳莉莉, 玄智慧佢地, 係寫蔡楓華.

    回覆刪除
    回覆
    1. 魔兒尼, 恭喜你搬家了!他不如將以前的博文都一次過搬過來, 因為你以前寫的都很有參考性, 無謂浪費嘛!

      刪除